Од габичките на ноктите не можете да се ослободите за 20 секунди!
Габичните инфекции на ноктите се подмолен и долготраен проблем, кој треба да третира веднаш штом го приметите. Инфекцијата започнува неприметно, но со текот на времето прераснува во хронична болест доколку не се лечи. Габичните инфекции на ноктите не само што лошо изгледаат за очите – естетскиот проблем може да предизвика сериозни здравствени компликации. Некои габички се многу опасни во оној момент кога заболените делови преку крвта ќе ја рашират габичната инфекција насекаде.1 Игнорирањето на габичките на ноктите може да биде причина за целосно губење на ноктот.
Затоа е важно веднаш да се превземат мерки и производите за одстранување на габичките треба да се употребуваат редовно, а пред се и доволно долго. Ако е заболена поголема површина од ноктот потребно е системско лекување, кое трае приближно три месеци. Секако дека е најдобро габичките да не се шират до тој степен и да дојде до системско лекување - антимикотици (лекови за габични инфекции) може да имаат голем број несакани дејства, меѓу кои се гастроинтестинални и проблеми со црниот дроб .3
Ако е зафатена помала површина од ноктот, за одстранување на габичките можеме сами да превземеме мерки со употреба на лак или пенкало кое содржи состојки кои го спречуваат растот и преживувањето на габичките. Една од тие состојки е млечната киселина – ја менува pH-вредноста на ноктот од алкална (pH 8) во кисела (pH 2,5). Ниската pH вредност, односно кисела средина го спречува ширењето на габичните инфекции на ноктите и воедно спречува повторна инфекција.
Бидејки ноктите растат споро (на палецот на стапалото ноктот ја израснува целата своја должина за година дена или подолго),третман со производите за одстранување на габичките е неопходно да трае барем неколку месеци – особено ако сакаме габичките целосно да ги одстраниме и да спречиме повторување на инфекцијата.
Треба да знаете дека поради спорото растење на ноктот одстранувањето на габичкните инфекции е долготрајно и видливите резултати не се возможни преку ноќ, а уште помалку за 20 секунди. Ако доволно рано почнеме да превземаме мерки уште при првите знаци на инфекција, за неколку месеци можеме да го вратиме ноктот во првобитната состојба и да спречиме инфекцијата премногу да се рашири.
ИЗВОРИ:
- https://zasrce.si/clanek/gljivicno-okuzbo-noktov-je-treba-zdraviti/
- PubMed. Ghannoum MA, Long L, Pfister WR Mycoses. Determination of the efficacy of terbinafine hydrochloride nail solution i the topical treatment of dermatophytosis i a guinea pig model. Mycoses. 2009 Jan;52(1):35-43.
- https://www.dnevnik.si/1042734739
